#شبكة_زوايا_الإخبارية ( شيبوب معكم في #رمضان)
ورحبوا يارفاقة
الكرم سمة من سمات اخلاق البادية وحتى في الحضر وتروى المزيد من الحكايات حول قصص الكرم وتوقفت عند هالقصة التى تحكي عن قصة " ابو الخسائر " من الفيس بوك
{كان في واحد اسمه عمر ولقبه ابو الخساير اجتمعت فيه صفات طيبة من كرم وفارس
والكرم اهوا اللي خلاه يلقبونه بابو الخساير بسبب كرمه
وابو الخساير هو عمر البجيدي العنزي وله من العيال سبع بنات واربع شباب
والسبع بنات هذولي تزوجن وكل وحده فيهن ولدت شيخ وحتى بعض ازواجهن
ماهم بشيوخ
الاولى اولدت الشيخ الفارس المعروف ساجر الرفدي من عنزة
الثانية اولدت الشيخ مكازي ابن سعيد الشمري (معشي الذيب)
الثالثه اولدت الشيخ صالح الطيار من شيوخ عنزة
الرابعه اولدت الشيخ خلف بن ناحل من شيوخ حرب
الخامسة اولدت جديع بن قبلان بن ملحم من شيوخ عنزة
السادسة اولدت الشيخ ابن شامان شيخ البجايدة من قبيلة عنزة
السابعه اولدت الشيخ محمد بن سمير (حريب الدول )من قبيلة عنزة
وابو الخساير هم له قصة مشهورة مع ولد السلطان العثماني
هذي الله يطول باعماركم جت قافلة حجاج من تركيا وكان من ضمنهم ابن السلطان العثماني
وهو بالعمر ماهو بكبير واهما يمشون بالليل ابن سالطان نام على ظهر البعير والبعير هذا
ضاع عن الاقافلة ( جنه ماخذ فوق حدر ) هههههه
البعير وصله لين قبيلة عنزة واهل القبيلة مايدرون انه ولد السلطان
ولد سلطان هذا بعد ماياكل الا والوجبة فيها لحم يعني كل يوووم فاقالوا
هالضيف طبعا للحين ما اعرفوه منو قالوا بنوديه عند بو الخساير فعلا ولد السلطان
راح عن ابو الخساير طبعا يقولوون انه قعد عن ابو الخساير شهرين والشهرين هذولي
ابو الخساير كل ليلة عنده ضيوف وكل يوم ذبيحه طبعا ابو الخساير عرف انه ولد السلطان
وبعد هالفتره قام ابو الخساير سافر مع ولد السلطان تركيا فعلا اوصلوا تركيا
السلطان العثماني كافئ ابو الخساير وقالوا عطاه من المال والحلال شي مايعلم فيه غير الله
وعينه وزير للحجاج القادمين للاماكن المقدسة
وبعد مارد ابو الخساير حق ربعه سمع من بعض ربعه ان ابو الخساير البجيدي قصد هالكرم
مع ولد السلطان والتقرب منه وا جد عشان المال والحلال ومن هالسوالف
فا قال ابو الخساير هالابيات
سميت بالرحمان وادنيت فاطـري
مامونةً مـن قاطعـات الخرايـم
طويلت ملزٌ الفخذ نابيـت القـرا
تصبر الى هبـت علينـا سمايـم
وردتها برقع وانـا جاهـلً بهـا
ماهي دلاله مير اوهـم وهاايـم
ياكلمةً سمعتها من لاش ربعنـا
يقولها اللـي مايـداري الظلايـم
يقولها اللي منزلـه يتقـي بنـا
لاجت نجوم الليل عجلا الهزايـم
النوم ساس اللوم لويدري الفتـى
ريف العذارى والرجـال الهلايـم
واللي يدور الهون والفيء والذرى
يموت ماحاشـت يدينـه غنايـم}
إرسال تعليق
جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم