يكتبها / شيبوب:
ياهلا ويامسهلا برفقتي
وش هالشباب السلوقي الجنزات والقشع والمناظر الله لاتبلانا ؟ وش هالعلوم يارجال فيه شباب تحولوا لبنات لا في المظهر ولا في الميوعة ولا في اللبس ولا حتى الضحكات اللى ماصارت ضحكات رجال الا اشبه بضحك الحريم ؟؟ وش هالمناظر المتخلفة وجيل هالدرباوية اللى فضحونا زمان ماكنا نعرف هالعلوم تمسك فينا المرجلة ولانعرف لبس الرخوم ، اليوم انقلبت الصورة وظهروا لنا شباب في هيئة منكرة لاتطابق العادات ولا الأعراف ولاحتى علوم الرجال ؟؟ كل يوم وانا أجلس مع رفقتي في ممشى الخميس ونشرب شاهى الجمر ونسولف نضحك ونمزح ونغير الجو ، مايعكر صفو مجلسنا الا مانشوفه من حركات هالشباب الدرباوية يقولون أنهم رجال وهم مجرد بشر في هيئة رجال يدورون المنكر ويجلبون العار لأنفسهم بأشكالهم وحركاتهم ؟؟ شوي تفحيط وشوى ترقيص وشوى مغازلة وشوى مضاربة وشوى مزح يفضح والهيئة لا حس ولاخبر الا مجرد جولات على الخفيف بس عشان يسكتوا الصحافة ؟؟ ياهيئة تعمقوا في جذور المشكلة وراقبوا الشباب زين شباب الدرباوية الله يسلط عليهم اقلقوا خلق الله وافسدوا ساعات نزهتهم وفرحهم وش عاد بقي ماقد صار ياشيخنا ؟؟؟؟
إرسال تعليق
جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم