أهلين :
توقفت بصراحة عند الخبر اللى نشرته زوايا عن البنت اللى هربت من رجال الهيئة بالمدينة لا وبعد فيه مقطع يوتيوب والبنت ياقلبي تركض بسرعة حتى تهرب مع حبيب قلبها بسيارته مدرى الى أى درجة وصلت هالسخافة يعنى تفتكر المسكينه أنها بلغت المريخ شهرة والا إنها طلعت بنت وراها ظهر وماصارت تقابل حبيب الغفلة الى في مول ياقلبي عليها وقلبي على التفكير الغير سليم في التعامل مع نمط حياتنا ، طيب تعالي ياللى تهربين من رجال الهيئة لا وقدام الخلق ماتخجلي من تصرفك ذا والا قبل كل شئ ماتخافي من ربك تحبيه اوكي ماقلنا شئ خليه يخطبك من أهلك ويحاول وبعدين تعالوا ايها الآباء " يا شيبانا" لما أحد ما يتقدم لبناتكم لاتقولوا ((لا)) كفاكم سيطرة وعنف وتفكير أعوج وهذى النتيجة مواعدات ومطاردات لا ويمكن هروب لليمن على طاري فتاة بحر ابو سكينة اللى باليمن ضحكتني بجد اللى قاعد تهذي بما لاتدري ومثلها كثير والا سالفة بنت الشهري اللى بالطائف اللى هربت مع حبيبها ومنه حبيبها عامل افغاني بالمطعم اللى تحت بيتهم واخرتها عاشت بأفغانستان ورجعت مع الزوج الأفغاني بعد قصة حب شهور وتدرون ليش لان ابوها المحترم لما جاهم خطاب لبنته رفضهم واحد تل والآخر عاد البنت عاشت قهر ومالقت الا هالافغاني تحبه وتهرب من ظلم ابوها وظلمه ويجى بعدين يبكى ويقول بنتي بنتي اتقوا الله فينا احنا بناتكم اتقوا الله فينا يا آباء كفاكم عنجهية وحب تسلط خلاص كفاية
وسامحوني بكرة نكمل
إرسال تعليق
جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم
ابتساماتاضغط هنا لترى الكود!
لاضافة ابتسامة يجب على الاقل وضع مسافة واحدة قبل الكود.